Trent For Fotball®

Trent For Fotball® er eit kurs spesialtilpassa norske fotballklubbar sitt behov for skadeførebyggande -  og prestasjonsfremjande  trening både på treningsfeltet, og som eigentrening. Bergen Idrettsklinikk gjev med dette kurset spelarar, trenarar og lagleiarar teoretisk og praktisk innføring  i ulike øvingar og treningsprogram. Dei ulike øvingane kan nyttast som oppvarmingsprogram, enkeltståande bolkar i treningsøkta eller som innhald i spelarane si eigentrening.

Etter kurset Trent For Fotball® skal du:

• Kunne gje spelarane enkle og konkrete øvingar som kan nyttast direkte på øktene.
• Ha fått innføring i tiltak og program som påverkar balanse, teknikk, motorikk, styrke og stabilitet.
• Få implementert ukompliserte øvingar og program som nyttast på feltet og som eigentrening.
• Skapa føresetnader hjå spelarar for betra teknisk dugleik.
• Kunne redusere sjansen for akutte og belastningsrelaterte skader på treningar og kamp.
• Ha auka medvitet for viktigheit av øvingar for styrke, balanse, koordinasjon og motorikk.
• Ha meir kunnskap om belastning- og intensitetsstyring i fotball.
• Ha meir kunnskap om korleis ein kan påverka fotballspesifikk hurtigheit.

Kurset er eit 1-dags kurs (7t) og inneheld:

Teoretisk del - inne (2t)

1. Gjennomgong av typiske belastningsskadar, skademekanismar og førebygging.
2. Treningsintensitet, treningsbelastning, hurtigheit i fotball og implementering av førebyggjande øvingar.

Praktisk del - ute (5t)

Praksis*:

1. Prestasjonsfremjande oppvarming – med ball i lag.
2. Øvingar for rørsleevne og mobilitet.
3. Øvingar for styrke og stabilitet.
4. Øvingar for balanse og koordinasjon.
5. Hurtigheitstrening i fotball.
6. Spenst og eksplosivitet i springing og duellar.

*For praktisk gjennomføring av interne kurs i klubb er det ei føresetnad at klubben stiller spelarar og naudsynt utstyr til disposisjon. Kurs i regi av BIK har alt disponibelt på kursstad.
Lunsj - inne (30min)